I più atenti de voialtri i gavarà xà capio che la foto qua in parte no xè casuale. In effetti, par noialtri la gà un profondo e importante significato.

L’idea de far sta pagineta un fiantin vecia e un fiantin da viaggio, xè appunto un tentativo de far un viaggio in tala memoria, piccolo, breve, de pochi ricordi... ma se qualchidun el vol condivider con noialtri qualche ricordo, qualche frase, filastrocca, motto, batua e chi più in ghi ne ga, più in ghe ne meta, de quel che se ricorda, de quel che i ghe contava o se se contava a casa da picinini, bon, qua el pol farlo.